Zv/kryeministri Konjufca bisedon për zhvillimet e fundit në Lindjen e Mesme me homologun Al Nahyan
Zëvendëskryeministri i Parë dhe Ministri i Punëve të Jashtme dhe Diasporës (MPJD) në Kosovë, Glauk Konjufca, zhvilloi një bisedë telefonike me Zëvendëskryeministrin dhe Ministrin e Punëve të Jashtme të Emirateve të Bashkuara Arabe, Sheikh Abdullah Bin Zayed Al Nahyan, transmeton Anadolu.
Siç njofton MPJD-ja, gjatë bisedës u diskutuan zhvillimet e fundit në Lindjen e Mesme.
“Republika e Kosovës dënon fuqishëm sulmet e Iranit ndaj shteteve partnere në rajon, përfshirë Emiratet e Bashkuara Arabe, të cilat cenojnë sigurinë dhe stabilitetin rajonal”, thuhet në njoftimin e MPJD-së.
Tutje bëhet e ditur se zëvendëskryeministri Konjufca shprehu solidaritetin e plotë të Republikës së Kosovës me Emiratet e Bashkuara Arabe dhe vlerësoi lart mbështetjen e vazhdueshme që ky shtet i ka dhënë Kosovës ndër vite në procesin e shtetndërtimit dhe zhvillimit.
Palët shprehën gatishmëri për thellimin e mëtejmë të marrëdhënieve ndërmjet dy vendeve.
