“Zoti na ndihmoftë”: Senatori amerikan shpërthen ndaj dhunës së kolonëve izraelitë kundër qytetarëve amerikanë
Senatori amerikan Chris Van Hollen ka bërë thirrje për drejtësi për palestinezët amerikanë të vrarë nga kolonët dhe trupat izraelite mes rritjes së dhunës në Bregun Perëndimor të pushtuar.
Në një video të publikuar në X, ligjvënësi demokrat tha se ai dhe senatori tjetër Jeff Merkley janë takuar me familjet e qytetarëve amerikanë të vrarë gjatë një vizite në territoret palestineze.
“Duam të sigurojmë drejtësi dhe përgjegjësi për ato familje. Nëse nuk mund të sigurojmë drejtësi dhe përgjegjësi për qytetarët amerikanë, Zoti na ndihmoftë,” tha Van Hollen.
As the humanitarian disaster in Gaza continues, we cannot look away from rising Israeli settler violence in the West Bank.@SenJeffMerkley and I met families of Americans killed there and visited a town subjected to attacks. Illegal settlements and violence MUST end. pic.twitter.com/yvteNTLAos
— Senator Chris Van Hollen (@ChrisVanHollen) August 29, 2025
“Qeveria jonë thotë se e ka prioritet mbrojtjen e qytetarëve amerikanë, por ja ku keni qytetarë amerikanë që janë vrarë në Bregun Perëndimor,” shtoi ai.
Ai theksoi më tej: “Na duhet drejtësi jo vetëm për ta, por na duhet t’i japim fund dhunës së kolonëve në Bregun Perëndimor … Aktualisht, kolonët po kryejnë akte dhune me imunitet absolut; në fakt, me bashkëpunimin – bashkëpunimin – e qeverisë së Netanyahut”. /Al Jazeera/
