Zëvendëskryeministri i parë, Bekim Sali takohet me ambasadorin e BE-së
Zv/kryeministri i parë dhe ministri për Çështje Evropiane, Bekim Sali, ka zhvilluar sot një takim me Ambasadorin e Bashkimit Evropian, Michalis Rokas, ku ka riafirmuar angazhimin e tij dhe të Qeverisë për avancimin e procesit të integrimit evropian të vendit.
“Sot zhvillova një takim me Ambasadorin e Bashkimit Evropian, Michalis Rokas, riafirmova angazhimin tim të qartë, si dhe angazhimin e Qeverisë, ndaj procesit të integrimit evropian”, ka deklaruar Sali.
Ai theksoi se agjenda evropiane dhe reformat që lidhen me të mbeten prioritet kryesor për institucionet e vendit, duke vënë theksin te forcimi i kapaciteteve institucionale dhe ndërtimi i besimit të qytetarëve.
“Agjenda evropiane dhe reformat e ndërlidhura me të mbeten prioritet kyç, me fokus në forcimin e kapaciteteve institucionale, ndërtimin e besimit të qytetarëve dhe bashkëpunimin e vazhdueshëm me Bashkimin Evropian për zbatimin efektiv të reformave”, u shpreh ai.
Në fund, zv/kryeministri Sali nënvizoi se institucionet mbeten të vendosura për të vazhduar rrugën drejt Bashkimit Evropian, duke ritheksuar përkushtimin politik ndaj këtij procesi.
“Vazhdojmë të përkushtuar në rrugën evropiane”, përfundoi Sali.
