Zëdhënësi i Hamasit humb jetën në sulmin ajror të Izraelit ndaj Gazës
Raportohet se zëdhënësi i Hamasit, Abdel-Latif al-Qanoua, ka humbur jetën në sulmin ajror që Izraeli kreu në qytezën Jabalia në veri të Rripit të Gazës, transmeton Anadolu.
Në lajmin e televizionit Al-Aqsa i lidhur me Hamasin u raportua se ushtria izraelite shënjestroi tendën e Al-Qanoua në një sulm ajror në zonën Jabalia al-Balad, në veri të Rripit të Gazës.
Në lajm u bë e ditur se Al-Qanoua humbi jetën si pasojë e bombardimit të tendës së tij.
