VMRO-DPMNE: Në vend që të mbajë një sistem stabil energjetik, MEPSO shpenzoi paratë publike për donacione
Në vend që SH.A MEPSO të mbajë një sistem stabil energjetik dhe të mos rrisë çmimin e energjisë elektrike, paratë publike i shpenzoi për donacione në mënyrë të padrejtë. Sektori i energjisë në Maqedoni është në fund. I fundit në serinë e skandaleve ka qenë fshirja e borxhit prej 14 milionë eurosh dhe borxhi është shlyer nga menaxhmenti i mëparshëm. Borxhi është shlyer për shkak se borxhli është djali i Musa Xhaferit dhe kompanive të tjera të afërta të LSDM-së dhe BDI-së, thonë nga VMRO-DPMNE.
“Çfarë ka bërë kryesia e mëparshme, ku kanë përfunduar paratë e qytetarëve? Përgjigja është e thjeshtë, paratë shkuan për donacione dhe sponsorizime. Për vitin 2024, në emër të donacioneve dhe sponsorizimeve, SH.A MEPSO ka parashikuar gjithsej 12.300.000 denarë, dhe ka shpenzuar, përkatësisht ka dhuruar dhe sponsorizuar 22.712.500 denarë. Bëhet fjalë për donacionet dhe sponsorizimet e mëposhtme. Fillimisht fitnes klubi Dinamik Shkup ka marrë 200.000,00 denarë. Së dyti, një donacion prej 100,000 denarë për Shoqërinë Stomatologjike Maqedonase Shkup. Së treti, ka një donacion apo sponsorizim në emër të K.F Shkendija-Haraçinë me pagesë në mars të këtij viti në shumë prej 300.000 denarë”, thekson partia.
“Prandaj, lindin një sërë pyetjesh se përse SH.A MEPSO ka dhuruar aty ku ishte, cili ishte qëllimi i sponsorizimit të klubeve të fitnesit, klubeve të futbollit apo organizatave joqeveritare. Nuk ka asnjë shpjegim dhe qëllim të donacioneve. SH.A MEPSO ka dy role kyçe, përkatësisht transmetimin e energjisë elektrike dhe menaxhimin e sistemit të transmisionit të energjisë elektrike. SH.A MEPSO duhet të sigurojë zhvillim optimal dhe të qëndrueshëm të sistemit të transmisionit të energjisë elektrike në mënyrë që të plotësojë nevojat e përdoruesve për energji elektrike. Për faktin se Maqedonia nuk kishte një sistem stabil energjetik, kishte rritje të çmimit të energjisë elektrike ose ishim shtet i grabitur. Konkluzioni është se paratë publike janë shpenzuar për donacione, dhe jo për një sistem të qëndrueshëm energjetik. Ky është rezultat i qeverisjes shpërdoruese të LDS-së dhe BDI-së”, thuhet në reagimin e VMRO-DPMNE-së.
