Vazhdojnë kërkimet për vajzën 16-vjeçare që u mbyt në lumin Vardar

Qendra për Menaxhimin e Krizave njoftoi se që nga mëngjesi i hershëm, në vendin e ngjarjes janë angazhuar pjesëtarë të Ministrisë së Punëve të Brendshme, njësia speciale e Ushtrisë “Ujqërit”, si dhe pjesëtarë nga Stacioni Policor i Velesit, me qëllim vazhdimin e kërkimeve për vajzën 16-vjeçare që dje u mbyt në lumin Vardar, pranë fshatit Ulanci, komuna e Gradskos.

Njoftimi është bërë nga motra e vajzës, e cila ka qenë e pranishme në vendin e ngjarjes, dhe e mitura është fundosur në Vardar së bashku me një vajzë 26-vjeçare që më vonë u gjet e gjallë.

Siç njofton Qendra për Menaxhimin e Krizave, aksioni sot po zhvillohet në koordinim dhe me prezencë të shtuar në terren.