Valë e ftohtë dhe më shumë reshje: Këtë vjeshtë pritet mot i paqëndrueshëm dhe i ndryshueshëm

Sipas parashikimit të Qendrës Evropiane për Parashikime Afatmesme të Motit (ECMWF), kjo vjeshtë mbi rajonin e Ballkanit pritet të jetë dukshëm më e ftohtë dhe me më shumë reshje se zakonisht. Atmosfera do të jetë dinamike, me ndryshime të shpeshta të motit dhe periudha me reshje më intensive shiu.

Meteorologët paralajmërojnë se shirat do të jenë më të shpeshtë në fillim dhe në fund të vjeshtës, ndërsa temperaturat e ajrit do të jenë nën mesataren e këtij sezoni. Sipas parashikimeve, dëbora mund të arrijë edhe më herët se sa pritej.

Megjithatë, meteorologët theksojnë se do të ketë edhe ditë më të ngrohta dhe me diell, të cilat do ta zbusin pamjen e ftohtë të sezonit. Në përgjithësi, kjo vjeshtë pritet të jetë më ndryshe – me më shumë shi, erëra dhe periudha të herëpashershme ftohjeje në mbarë vendin.