Ushtria izraelite rifillon zbatimin e marrëveshjes së armëpushimit pasi kreu dhjetëra sulme në Gaza

Ushtria izraelite njoftoi se ka rifilluar zbatimin e marrëveshjes së armëpushimit në Rripin e Gazës, pasi më parë kishte ndërmarrë sulme kundër dhjetëra objektivave në përgjigje të, siç tha ajo, një shkeljeje të marrëveshjes nga Hamasi.

Në një postim në platformën X, ushtria izraelite deklaroi se kishte “rifilluar zbatimin e marrëveshjes” në përputhje me udhëzimet e udhëheqjes së vendit.

Në deklaratë thuhet se ushtria ka kryer sulme ndaj “më shumë se 30 terroristëve në pozicione komanduese brenda organizatave terroriste që veprojnë në Rripin e Gazës”.

Po ashtu, ushtria izraelite theksoi se do të “vazhdojë të zbatojë marrëveshjen dhe të përgjigjet me forcë ndaj çdo shkeljeje”.