UNT fillon me punët përgatitore për pastrim dhe izolim të hapësirave në pritje të lejes për fillim të ndërtimit të Kampusit të ri Universitar

Universiteti “Nënë Tereza” në Shkup me krenari dhe kënaqësi të madhe ju njofton se kanë filluar zyrtarisht punimet përgatitore për pastrimin, rrethim dhe izolim të hapësirave në Kampusin Universitar “Nëna Terezë” në Shkup.
Ky proces i rëndësishëm ka nisur që në vitin 2017, kur Universiteti shpalli konkurs publik për përzgjedhjen e zgjidhjes ideore për ndërtimin e kampusit. Komisioni profesional zgjodhi zgjidhjen më të mirë arkitektonike, e cila më pas shërbeu si bazë për hartimin e projektit kryesor.
Në proces e sipër është leja për ndërtim, e cila pritet të miret nga Ministria e Trasnporit dhe pas saj do të nënshkruhet edhe kontrata finale për nisjen e ndërtimit të kampusit të ri Universitar.
Universiteti “Nëna Terezë” shpreh mirënjohje të sinqertë ndaj të gjithë atyre që kanë dhënë kontribut që nga fillimi, Qeverisë, Ministrisë së arsimit dhe shkencës, Kuvendit Studentor Universitar, si dhe ndaj të gjitha institucioneve dhe individëve që me mbështetjen dhe angazhimin e tyre kontribuan në zhvillimin e Universitetit “Nënë Terezë” në Shkup.