Udhëheqësi i katolikëve në Angli dhe Uells kërkon armëpushim të menjëhershëm në Gaza
Udhëheqësi i katolikëve në Angli dhe Uells ka bërë thirrje për një armëpushim të menjëhershëm në Gaza pas sulmit ndaj kishës në qytetin e Gazës.
“Dënoj këtë sulm të tmerrshëm ndaj Kishës së Familjes së Shenjtë në Gaza, lutem për të vdekurit dhe të plagosurit, dhe shpreh solidaritetin tim me At Gabriel Romanelli dhe njerëzit që strehohen në kompleks – si të krishterë ashtu edhe myslimanë,” tha në një deklaratë Kardinali Vincent Nichols, Kryepeshkop i Westminster-it.
“Për 20 muaj me radhë, Kisha e Familjes së Shenjtë ka arritur të jetë një vend strehimi dhe mbështetjeje shpirtërore në mes të tmerrit të luftës, duke ushqyer dhe mbrojtur qindra njerëz.”
