Turqi, Sistemi i Mbrojtjes Ajrore LEVENT, godet objektivin e tij të parë
Sistemi i Mbrojtjes Ajrore të Afërt, LEVENT, i zhvilluar nga Roketsan në Turqi, ka qëlluar dhe goditur me saktësi një objektiv ajror të vërtetë për herë të parë, transmeton Anadolu.
Sipas një deklarate nga Roketsan, është tejkaluar një moment i rëndësishëm në zhvillimin e sistemit LEVENT.
Sistemi i Mbrojtjes Ajrore të Afërt, LEVENT, goditi me saktësi objektivin e tij në lëshimin e tij të parë provë të drejtuar nga skanuesi (kërkuesi). Duke qëlluar kundër një objektivi ajror për herë të parë, LEVENT do të shërbejë si një komponent kritik në linjën e mbrojtjes.
LEVENT është projektuar me qëllimin për të forcuar vetëmbrojtjen e platformave detare.
Sistemi ofron mbrojtje efektive kundër kërcënimeve të ndryshme të tillë si avionët, helikopterët, dronët dhe dronët e armatosur, si dhe municioneve subsonike dhe supersonike kundër anijeve që fluturojnë afër sipërfaqes së ujit.
Sistemi dallohet me arkitekturën e tij rezistente ndaj bllokimeve intensive dhe sulmeve të luftës elektronike në hapësirën e betejës dhe kapacitetin e tij të lartë të mbajtjes së raketave të drejtuara.
LEVENT mund të integrohet në platforma sipërfaqësore të reja që do të ndërtohen ose të rimodelohet në anijet ekzistuese. Falë kokës kërkuese hibride, kokës luftarake të fragmentimit, sensorit të afërsisë dhe aftësisë së manovrimit të lartë, ai mund të operojë në mënyrë efektive edhe në kushte sfiduese.
Me radarin dhe komponentët elektro-optikë në sistemin e lëshimit, LEVENT kryen njëkohësisht misione për kapjen e objektivave, ndjekjen, vlerësimin e kërcënimeve, angazhimin dhe shkatërrimin, ndërsa vazhdon të rrisë rëndësinë e tij si një komponent kritik në shtresën e mbrojtjes ajrore detare të Turqisë.
