Trump përsërit thirrjen për marrëveshje armëpushimi në Gaza
Presidenti i SHBA-së, Donald Trump, ka bërë sërish thirrje për një armëpushim në Gaza mes Hamasit dhe Izraelit.
“BËNI MARRËVESHJEN NË GAZA. KTHENI PENGJET!!!”, shkroi ai në Truth Social.
Të premten, Trump u tha gazetarëve se beson që një armëpushim është afër dhe mund të arrihet “brenda javës së ardhshme”.
Thirrja e Trump për armëpushim vjen në një moment të shtimit të vrasjeve nga forcat izraelite në Gaza dhe të dënimeve gjithnjë e më të ashpra ndërkombëtare ndaj luftës së Izraelit.
Javën e kaluar, një gazetë izraelite raportoi se ushtarë kishin thënë se kishin marrë urdhër të qëllonin mbi civilë palestinezë të paarmatosur që po përpiqeshin me dëshpërim të merrnin ndihma humanitare.
