Trump për Erdoganin: Ai ka një nga ushtritë më të fuqishme në botë

Presidenti amerikan, Donald Trump, ka vlerësuar lart presidentin turk, Rexhep Taip Erdogan, duke e cilësuar si një lider të fuqishëm dhe mik të besueshëm.
“Erdogan ka një nga ushtritë më të fuqishme në botë. Ai është shumë më i fuqishëm sesa e tregon,” ka deklaruar Trump.
Sipas tij, presidenti turk ka fituar shumë konflikte, por nuk kërkon lavdi për këtë. “Ai nuk do merita, thjesht dëshiron të lihet rehat,” ka shtuar presidenti amerikan.
Trump ka theksuar marrëdhënien e mirë personale me Erdoganin, duke e përshkruar si një mik të afërt. “Ai është i fortë, por është miku im dhe gjithmonë aty kur kam nevojë. Kur NATO ka probleme me të, më telefonojnë mua. Flas me Erdoganin dhe ai kurrë nuk zhgënjen. Është i mrekullueshëm. Faleminderit për miqësinë,” ka thënë Trump.