Trafikuan mbi 1 milionë funta kokainë në Angli, ja roli i shqiptarit të dënuar me 23 vite burg
Gjashtë persona, njëri prej tyre me origjinë shqiptare, janë burgosur pasi u kapën duke kontrabanduar kokainë me vlerë 1 milion funta në Mbretërinë e Bashkuar.
Ata e kishin fshehur drogën në dorezat metalike të fshesave, shkruan BBC.
Mendohet se është hera e parë që kjo metodë është përdorur për të importuar drogën në Mbretërinë e Bashkuar, tha Policia Metropolitane.
Shumica e anëtarëve të bandës u arrestuan në një pronë industriale pranë Dartfordit në tetor 2021, teksa përpiqeshin të merrnin dërgesën e kokainës nga Kolumbia.
