Tetë persona, përfshirë tre fëmijë vdesin nga uria në Gaza në 24 orët e fundit

Të paktën 123 palestinezë, përfshirë 21 persona që kërkonin ndihma, janë vrarë dhe 437 janë plagosur nga sulmet izraelite në të gjithë Gazën brenda 24 orëve të fundit, sipas Ministrisë së Shëndetësisë së enklavës.

Në të njëjtën periudhë, të paktën tetë persona, përfshirë tre fëmijë, kanë vdekur nga uria në territor, duke e çuar numrin total të vdekjeve të lidhura me urinë në 235, përfshirë 106 fëmijë, tha ministria.

Sipas saj, lufta e Izraelit në Gaza ka vrarë gjithsej 61,722 palestinezë dhe ka plagosur 154,525 të tjerë që nga 7 tetori 2023.

Numri total i personave që kërkonin ndihma dhe janë vrarë që nga 27 maji, kur Izraeli prezantoi një mekanizëm të ri të shpërndarjes së ndihmave përmes organizatës me bazë në SHBA, GHF, ka arritur në 1,859, ndërsa më shumë se 13,594 janë plagosur, thuhet në deklaratë. /Al Jazeera/