Tërmet në Bosnjë dhe Hercegovinë

Një tërmet me magnitudë prej 4.7 Ballë ka goditur Bosnjë dhe Hercegovinën, sipas të dhënave nga Qendra Sizmologjike Evropiane-Mesdhetare (EMSC).

Lëkundjet u regjistruan 62 kilometra në veri-perëndim të Sarajevës dhe 13 kilometra në veri të Zenica-s, transmeton Telegrafi.

Sipas EMSC-s, tërmeti kishte një thellësi prej 9 kilometrave, megjithatë detaje të tjera nuk janë bërë të ditura.

Deri më tani nuk është raportuar për të lënduar ose për dëme të mundshme materiale.