Tensioniet Pakistan-Indi/ Çfarë është Marrëveshja për Ujërat Hindus dhe pse ka rëndësi?
Al Jazeera ka raportuar mbi vendimin e Indisë për të pezulluar pjesëmarrjen e saj në Marrëveshjen për Ujërat Hindus, një marrëveshje shumëvjeçare me Pakistanin, pas sulmit në Kashmir.
Këtu është një përmbledhje e asaj që duhet të dini rreth kësaj marrëveshjeje dhe pse ajo është e rëndësishme:
-
Origjina e marrëveshjes lidhet me ndarjen e Indisë në gusht 1947, kur përfundoi sundimi britanik dhe u formuan India dhe Pakistani si dy shtete sovrane.
-
Meqenëse të dy shtetet mbështeteshin në të njëjtat sisteme lumenjsh për ujitje dhe bujqësi, lindi nevoja urgjente për të negociuar një ndarje të drejtë të burimeve ujore.
-
Pas nëntë vitesh diskutimesh, të ndërmjetësuara nga Banka Botërore, kryeministri indian Jawaharlal Nehru dhe ish-presidenti pakistanez Mohammed Ayub Khan nënshkruan Marrëveshjen për Ujërat e Indit në shtator 1960.
-
Sipas marrëveshjes, India kontrollon tre lumenjtë lindorë – Ravi, Sutlej dhe Beas – ndërsa Pakistani kontrollon tre lumenjtë perëndimorë – Jhelum, Chenab dhe Indus. India është e detyruar të lejojë që ujërat e lumenjve perëndimorë të rrjedhin në Pakistan me përjashtime të kufizuara.
-
Nëse marrëveshja shembet, rreziqet përfshijnë rritje të tensioneve, konflikte të mundshme për ujërat dhe pasoja të rënda ekonomike, veçanërisht për Pakistanin që varet shumë nga lumi Indus.
-
Veprime të njëanshme, si ky pezullim ose ndërtimi i digave, mund të çojnë në përshkallëzim të konflikteve gjeopolitike më të gjera, duke kërcënuar stabilitetin rajonal dhe sigurinë ushqimore. /Al JAzeera/
