Të paktën 503 të vrarë dhe 5.700 të plagosur nga sulmet SHBA-Izrael në Teheran
Drejtori i Shërbimeve të Emergjencës së Provincës së Teheranit, tha se shumica e të vrarëve janë civilë, përfshirë 12 fëmijë të moshës midis dy muajsh dhe 12-vjeç
Të paktën 503 persona janë vrarë dhe rreth 5.700 të tjerë janë plagosur në sulmet SHBA-Izrael në kryeqytetin iranian Teheran që nga fundi i muajit të kaluar, tha të hënën drejtori i Shërbimeve të Emergjencës së Provincës së Teheranit, transmeton Anadolu.
Mohammad Esmail Tavakoli tha për Agjencinë e Lajmeve ISNA se shumica e të vrarëve janë civilë, përfshirë 12 fëmijë të moshës midis dy muajsh dhe 12-vjeç.
SHBA-ja dhe Izraeli kanë vazhduar sulmet e përbashkëta ndaj Iranit që nga 28 shkurti, duke vrarë deri më tani rreth 1.300 persona, përfshirë Udhëheqësin e atëhershëm Suprem, Ajatollah Ali Khamenei.
Irani është hakmarrë me sulme me dronë dhe raketa që kanë shënjestruar Izraelin, Jordaninë, Irakun dhe vendet e Gjirit që strehojnë asete ushtarake amerikane.
