Të paktën 30 të vrarë nga sulmet izraelite në Gazë
Zyrtarët shëndetësorë palestinezë thanë se sulmet ajrore izraelite në Rripin e Gazës kanë vrarë të paktën 30 persona, shumica gra dhe fëmijë.
Hossam Abu Safiya, drejtori i një spitali që pranoi viktimat, tha se sulmi që la të vrarë 20 persona në veri të Gazës që u krye në orët e vona të së hënës, më 4 nëntor. Ky sulm goditi një shtëpi në Beit Lahija, ku po strehoheshin disa familje.
Në mesin e viktimave ishin tetë gra dhe gjashtë fëmijë, sipas listës së publikuar nga Ministria e Shëndetësisë në Gazë.
Ndërkaq, mëngjesin e së martën u vranë edhe dhjetë persona në Gazë, përfshirë katër fëmijë dhe dy gra, thanë autoritetet shëndetësore.
Izraeli është duke kryer një ofensivë të madhe në veri të Gazës për pothuajse një muaj. Ai ka urdhëruar evakuimin e tërësishëm të Beit Lahijas, një qytezë afër Beit Hanunit dhe kampit të refugjatëve në Xhabalia, zonë ku për më shumë se një muaj nuk është lejuar dërgimi i ndihmës humanitare.
