Të paktën 30 të vrarë në sulmet e reja izraelite në Rripin e Gazës

Ushtria izraelite ka vrarë 30 persona në Rripin e Gazës që nga orët e para të së mërkurës, raporton Anadolu.

Burime mjekësore i thanë Agjencisë Anadolu se 25 persona u vranë gjatë sulmeve ajrore izraelite në qytetin e Gazës.

Ushtria izraelite ka vrarë më shumë se 65.300 palestinezë, shumica prej tyre gra dhe fëmijë, në Gaza që nga tetori i vitit 2023.

Lufta e vazhdueshme e Izraelit në Gaza ka shkatërruar enklavën, e cila po përballet me një uri të rëndë.

Nëntorin e vitit të kaluar, Gjykata Ndërkombëtare Penale lëshoi urdhra arresti ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.

Izraeli gjithashtu përballet me një padi gjenocidi në Gjykatën Ndërkombëtare të Drejtësisë për shkak të luftës në enklavën palestineze.