Sulmi izraelit në kampin Rafah vret 25 dhe plagos 50 palestinezë

Të paktën 25 palestinezë u vranë dhe 50 të tjerë u plagosën kur forcat izraelite bombarduan tendat që strehonin njerëz të zhvendosur në zonën Mawasi në perëndim të Rafahut, në jug të Gazës.

Zona është shpallur si zonë e sigurt nga Izraeli.

Në një deklaratë, Ministria palestineze e Shëndetësisë në Gaza tha se numri i të vdekurve nga sulmi izraelit në tendat në zonën Mawasi u rrit në 25, me 50 të tjerë të plagosur.

Më herët, burimet mjekësore i thanë agjencisë së lajmeve Anadolu se ekipet e shpëtimit po merrnin trupat e viktimave dhe po ofronin trajtim për të lënduarit pasi tanket izraelite shënjestruan kampin e personave të zhvendosur.