Sulmet ajrore izraelite në Siri vrasin dy civilë dhe plagosin 8 të tjerë

Sulmet ajrore izraelite në Siri kanë vrarë dy civilë dhe kanë plagosur të paktën tetë të tjerë, raporton Al Jazeera.

Ushtria izraelite ndërmori sulme të reja ajrore në Siri të premten mbrëma, në atë që udhëheqësit e rinj të vendit e quajtën një “përshkallëzim të rrezikshëm”.

Observatori Sirian për të Drejtat e Njeriut tha se Izraeli goditi objektiva ushtarake në të gjithë Sirinë në bombardimin më të rëndë të këtij viti deri më tani.