Sulm me thikë në Angli, të paktën tetë të plagosur

Policia ka njoftuar se një burrë është arrestuar dhe një thikë është sekuestruar pasi një numër njerëzish u plagosën në një therje të raportuar me thikë në Southport të Anglisë.

“Mund të konfirmojmë se shërbimet e urgjencës janë në Southport pas një incidenti të madh këtë mëngjes”, deklaroi policia.

Bëhet e ditur se të plagosur janë të paktën tetë persona.

Shërbimi i Ambulancës North West ka deklaruar se disa nga viktimat janë dërguar në spitalin e fëmijëve Alder Hey.

Ndërkohë, viktimat e tjera janë dërguar në Spitalin Universitar Aintree dhe në spitalin Southport dhe Formby, shkruan skynews.

Bëhet e ditur se shërbimi i ambulancës ka dërguar 13 autoambulanca së bashku me burime të specializuara në vendngjarje.
E gjithë rruga tani është e mbyllur për publikun dhe ka të paktën një helikopter policie që qarkullon në zonë.

Ndryshe, të tronditur dhe shqetësuar për incidentin janë shprehur edhe autoritetet.