Stuhi të forta goditën Parisin dhe pjesë të mëdha të Francës

Pas stuhive dhe reshjeve të dendura në kryeqytetin e Francës, u pa një automjet i policisë në rrugët e Parisit i cili kishte lëshuar tinguj muzikorë të filmit “Titanik”, veprim që mori vëmendje të madhe, raporton Anadolu.

Stuhi të forta goditën Parisin dhe pjesë të mëdha të Francës të mërkurën, duke shkaktuar dëme të shumta, duke ndërprerë transportin dhe shkaktuar dy viktima.

Sipas “Le Parisien”, rrebeshi ishte aq intensiv sa e zvogëloi dukshmërinë në më pak se 50 metra. Shërbimet e emergjencës u dërguan shpejt ndërsa rrugët u përmbytën dhe pemët ranë në të gjithë qytetin.

Zjarrfikësit e Parisit iu përgjigjën qindra incidenteve, përfshirë afërsisht 50 pemë të rrëzuara që bllokuan rrugët dhe bulevardet kryesore.

Disa stacione metroje u detyruan të mbyllen për shkak të përmbytjeve ose rënies së mbeturinave.