Sot Samiti Trump-Putin, delegacionet ruse dhe amerikane mbërrijnë në Alaskë
Delegacionet ruse dhe amerikane kanë mbërritur në Alaska përpara samitit vendimtar midis Donald Trump dhe Vladimir Putin që do të mbahet sonte në orën 21:30.
Sipas skynews, ministri i Jashtëm rus, Sergey Lavrov, dhe ambasadori rus në SHBA, Alexander Darchiev, kanë mbërritur në Alaska përpara bisedimeve midis Donald Trump dhe Vladimir Putin.
Udhëheqësi rus ka mbërritur në qytetin Magadan në Lindjen e Largët të Rusisë, i vendosur rreth 3,162 km nga Anchorage në Alaskë, ku do të takohet me zotin Trump më vonë gjatë ditës.
“Ne nuk bëjmë kurrë plane paraprakisht. Ne e dimë që kemi argumente; kemi një qëndrim të qartë dhe të kuptueshëm. Do ta përcaktojmë atë. Shumë është bërë tashmë këtu gjatë vizitave të të dërguarit të Trump Steve Witkoff, tha presidenti Putin këtë”, tha zoti Lavrov për mediat ruse.
“Witkoff foli në emër të presidentit Trump. Shpresoj që do ta vazhdojmë këtë bisedë shumë të dobishme sot”, tha ai, sipas Sputnik International.
