Siljanovska-Davkova: Duhet të jemi bashkë, ky është moment historik

Gordana Siljanovska-Davkova, kandidatja për presidente nga radhët e VMRO-DPMNE-së, ka kërkuar sonte nga Ohri mbështetjen e qytetarëve për të fituar zgjedhjet presidenciale.

“Pa Ohrin, Maqedonia nuk do të respektohet. Kjo qeveri nuk e di se çfarë është kultura, sepse kultura është biznes. Këto janë zgjedhje nëse Maqedonia, si e juaja dhe krenare, do të jetë vërtet pro-evropiane, sepse nëse Maqedonia nuk është e juaja dhe nuk është krenare, nuk mund të jetë as shtet evropian. BE-ja është një unitet diversiteti. Dhe ne, me kulturën, me edukatën, me traditën e respektit që na dha jeta, për Ilindenin e parë, të dytë dhe të tretë, mund dhe duhet të shkelim në Ilindenin e katërt. Dhe kjo do të thotë një republikë që do të jetë një shtet evropian. Ky është një moment për historinë, ne duhet të jemi bashkë, nuk kemi pasur asnjëherë më shumë nevojë sesa që kemi sot për mbështetjen tuaj, pa ju Maqedonia nuk mund të jetë krenare. Pa ju nuk do të arrijmë dot fitoren”, tha Siljanovska-Davkova.