Si ka ndikuar lufta e Izraelit te fëmijët e Gazës!
Federico Dessi, drejtor i Lindjes së Mesme në Humanity and Inclusion, thotë se ofensiva ushtarake e Izraelit mund të ketë pasoja afatgjata për fëmijët.
“Për fat të keq, mijëra fëmijë kanë vuajtur nga amputime, fraktura, lëndime të llojeve të ndryshme dhe kanë nevojë për mbështetje rehabilituese, disa prej tyre do të kishin nevojë për mbështetje për pjesën tjetër të jetës së tyre.”
Por Dessi i tha Al Jazeera se këto shërbime nuk ishin të disponueshme në Gaza për momentin.
“Ka pak organizata humanitare si ne që ofrojnë shërbime në shkallë shumë të vogël. Është gjithashtu e vështirë për të sjellë furnizime shtesë si karriget me rrota, paterica dhe pajisje ndihmëse; për momentin nuk ka asnjë shërbim protezash”, tha ai.
“Pra, ata [fëmijët] janë lënë në kujdesin e familjeve të tyre dhe nuk janë në gjendje të shërohen dhe të kthehen nga kjo traumë.”
Dessi tha se dhuna e përditshme ndaj fëmijëve mund të ketë ndikime afatshkurtra dhe afatgjata. “E gjithë popullata e fëmijëve, më shumë se 600,00, janë jashtë shkollës që nga tetori dhe kjo është në vetvete një traumë për ta.”
“Ata janë të ekspozuar çdo ditë ndaj ndikimeve të bombardimeve dhe sulmeve ushtarake.”
Lufta, tha Dessi, ishte një ngjarje që ndryshoi jetën dhe shumë traumatike.
“Do të krijojë një situatë ku këta fëmijë [të cilët kanë humbur prindërit dhe të afërmit e tyre] vështirë se do të mund t’i kapërcejnë psikologjikisht.
“Ka pak shërbime psikosociale në dispozicion për momentin. Dhe sido që të jetë, situata është aq shkatërruese sa që vetëm një psikolog dhe punonjës social mund të bëjë aq shumë për të trajtuar traumën e luftës brutale.
“Fëmijët kanë nevojë për siguri dhe lufta duhet të përfundojë. Të gjithë aktorët humanitarë kanë nevojë për akses të plotë dhe të papenguar në mënyrë që ne të mund t’i arrijmë fëmijët dhe t’u ofrojmë atyre shërbimet që u nevojiten, si dhe familjeve të tyre, “tha Dessi. /Al Jazeera/
