Shtrenjtohen derivatet e naftës në Maqedoni
Çmimet e derivateve të naftës në Maqedoninë e Veriut do të shtrenjtohen dhe pas një periudhe më të gjatë do të kemi rritje më të lartë të çmimeve.
Siç njoftoi Komisioni Rregullator i Energjisë, me vendimin e fundit çmimet me pakicë të derivateve të naftës janë rritur mesatarisht për 2.69 për qind krahasuar me vendimin e mëparshëm.
Me këtë vendim, çmimet me pakicë të benzinës Eurosuper BS-95 dhe Eurosuper BS-98 rriten për 2,50 denarë për litër.
Për 2 denarë për litër rriten çmimet me pakicë të Eurodizelit dhe vajit ekstra të lehtë për amvisëri (EL-1). Çmimi me pakicë i karburantit M-1 NS rritet për 0,473 denarë për kilogram.
Nga sonte pas mesnate çmimet maksimale të derivateve të naftës do të jenë:
Eurosuper BS – 95 78 denarë për litër
Eurosuper BS – 98 80 denarë për litër
Eurodizel BS (D-E V) 70,50 denarë për litër
Naftë ekstra e lehtë 1 (EL-1) 70,50 denarë për litër