Shtekli është jashtë rrezikut për jetën pasi një bombë u hodh para shtëpisë së tij
Rade Trajkovski, i njohur si Shtekli, është në gjendje të qëndrueshme dhe jashtë rrezikut për jetën pasi një mjet shpërthyes u hodh këtë mëngjes në oborrin e shtëpisë së tij. Drejtori i spitalit “Shën Naum Ohridski”, Nebojsha Nastov, deklaroi për gazetën “Sloboden Pechat” se gjendja e tij është e stabilizuar dhe se po vazhdojnë ekzaminimet mjekësore.
Sipas Ministrisë së Punëve të Brendshme, ngjarja u raportua në orën 9:20 në lagjen Keramidnica në Shkup, ku një mjet shpërthyes u hodh në oborrin e shtëpisë së Trajkovskit, e cila ndodhet pas qendrës tregtare East Gate.
