Shqipëria pranë kualifikimit historik, kalon në epërsi ndaj Moldavisë
Kombëtarja e Shqipërisë në futboll është shumë pranë kualifikimit historik, për herë të dytë në një kompeticion të madh futbolli. Shqipëria ka kaluar në epërsi si mysafire ndaj Moldavisë me golin e Sokol Cikalleshit në minutën e 25-të nga penaltia.
Në rast se fiton sonte, Shqipëria siguron edhe matematikisht kualifikimin për EURO 2024 në Gjermani. Kjo do të ishte hera e dytë që Shqipëria kualifikohet në Kampionatin Evropian, pas pjesëmarrjes në EURO 2016.
