Shqipëria dhe Kosova mes pesë vendeve që do të angazhojnë trupa për Forcën e Stabilizimit në Gaza
Komandanti i Forcës Ndërkombëtare të Stabilizimit në Gaza (ISF) njoftoi të enjten se pesë vende kanë angazhuar trupa për të shërbyer në këtë strukturë të re të sigurisë.
Gjenerali major Jasper Jeffers, duke folur në mbledhjen inauguruese të Bordit të Paqes në Uashington, tha se Indonezia, Maroku, Kazakistani, Kosova dhe Shqipëria kanë premtuar trupa, ndërsa Egjipti dhe Jordania do t’i trajnojnë forcat policore.
Jeffers njoftoi gjithashtu se Indonezia ka pranuar pozicionin e zëvendëskomandantit të forcës.
“Me këta hapa të parë, do të ndihmojmë në sjelljen e sigurisë që Gaza ka nevojë për prosperitetin tonë të ardhshëm dhe për një paqe të qëndrueshme”, tha ai.
