Shefi i kompanisë amerikane të sigurimeve shëndetësore vritet në një sulm të armatosur në New York
Brian Thompson, Kryeshefi Ekzekutiv (CEO) i UnitedHealthcare, një prej kompanive më të mëdha të sigurimeve shëndetësore në SHBA, ka humbur jetën si pasojë e një sulmi të armatosur në New York, raporton Anadolu.
Sipas informacioneve të siguruara nga policia, Thompson ishte shënjestër e një sulmi të armatosur në mëngjes në Manhattan teksa po hynte në një hotel për të marrë pjesë në një konferencë.
Sulmuesi i armatosur, i cili thuhet se ishte i maskuar dhe priste në pritë, qëlloi Thompsonin në mënyrë të përsëritur në gjoks në hyrje të hotelit dhe u largua nga vendi i ngjarjes, fillimisht duke vrapuar dhe më pas duke hipur në një biçikletë.
Thompson, i cili u dërgua me urgjencë në Spitalin Mount Sinai, u shpall i vdekur.
Pas ngjarjes, e cila ndodhi në Manhattan, një nga zonat më të ngarkuara të New Yorkut, policia përcaktoi rrugën e arratisjes së të dyshuarit me pamjet e kamerave të sigurisë.
Autoritetet vlerësuan se sulmuesi donte të fshihte gjurmët e tij duke u arratisur në Central Park, një nga pikat më turistike dhe të ngarkuara të qytetit.
Bazuar në dëshmitarët okularë, policia raportoi se sulmuesi ishte një mashkull i bardhë i veshur me maskë dhe, ndërkohë që hetimet janë në vazhdim.
Thompson, 50 vjeç, i cili ka punuar për UnitedHealthcare, një nga kompanitë kryesore të sigurimeve shëndetësore në SHBA, për 20 vitet e fundit, kishte shërbyer si shef ekzekutiv që nga viti 2021.
