SHBA përballet me stuhi dimërore, mbyllen disa shkolla, autoritetet raportojnë për akse të rrezikshme rrugore
Autoritetet në SHBA, si edhe mbi 50 milionë qytetarë, janë në gjendje gatishmërie pasi një sistem i fuqishëm moti që po forcohet gradualisht pritet të sjellë reshje të dendura dëbore dhe shiu në pjesë të rajoneve të Mesdheut amerikan, në Apalashe dhe në verilindje të vendit.
Ky sistem i motit pritet të shkaktojë sot reshje të mëdha dëbore dhe shiu, ndërsa mbi 50 milionë amerikanë janë paralajmëruar nga autoritetet për një stuhi dimërore.
Sasia e dëborës mund të arrijë të paktën 30 centimetra në luginën e Ohajos, në Pensilvani, në veri të Nju Jorkut dhe në Nju Ingland, ndërsa në disa zona pritet të bjerë deri në 2.5 centimetra dëborë në orë, sipas meteorologut Ashton Robinson Cook nga Qendra e Parashikimeve të Shërbimit Kombëtar Meteorologjik.
“Në zonat me reshje të dendura, është më mirë të shmangni udhëtimet. Por nëse duhet të dilni, lini më shumë kohë për lëvizje.” Reshje të lehta deri mesatare dëbore janë regjistruar që në mëngjes nga perëndimi i Pensilvanisë deri në zonat qendrore të Nju Inglandit.
Qindra distrikte shkollore, nga Cincinnati dhe perëndimi i Pensilvanisë deri në Nju Hempshër e Maine, kanë njoftuar mbylljen e shkollave ose vonesa në nisjen e mësimit.
Shi dhe shi i ngrirë priten gjithashtu në Uashington, në qytetin e Nju Jorkut dhe në Filadelfia, ku temperaturat do të sillen rreth 0 gradë Celsius.
