SHBA-ja po zhvendos forca ushtarake drejt Lindjes së Mesme
Dy zyrtarë amerikanë i thanë agjencisë Associated Press se Shtetet e Bashkuara po zhvendosin burime ushtarake, përfshirë anije luftarake, në Lindjen e Mesme si përgjigje ndaj sulmeve të Izraelit kundër Iranit dhe për shkak të një sulmi të mundshëm hakmarrës nga Teherani.
Marina amerikane ka urdhëruar shkatërruesin USS Thomas Hudner të nisë lundrimin drejt Mesdheut Lindor dhe ka dhënë udhëzime që një shkatërrues i dytë të fillojë avancimin për t’u vendosur më afër, në mënyrë që të jetë në dispozicion nëse kërkohet nga Shtëpia e Bardhë.
Njëri prej zyrtarëve shtoi se Presidenti Donald Trump është duke u takuar me anëtarët kryesorë të Këshillit të Sigurisë Kombëtare për të diskutuar situatën.
