Sekretari amerikan i Thesarit: Do të rimarrim kontrollin e Ngushticës së Hormuzit
Sekretari i Thesarit i SHBA-së, Scott Bessent tha sot se Washingtoni përfundimisht do të rimarrë kontrollin e Ngushticës së Hormuzit dhe do të rivendosë lirinë e lundrimit, transmeton Anadolu.
“Me kalimin e kohës, SHBA-ja do të rimerr kontrollin e ngushticave dhe do të ketë liri lundrimi, qoftë përmes eskortave (shoqëruesve) amerikane apo një eskorte shumëkombëshe”, tha Bessent për “Fox News”.
I pyetur për përfshirjen e mundshme të grupit Huthi të Jemenit dhe situatën në Detin e Kuq, Bessent i minimizoi shqetësimet, duke thënë se Huthit kanë qenë “shumë të qetë”.
Ngushtica e Hormuzit është ndërprerë në mënyrë efektive që nga fillimi i marsit, me rreth 20 milionë fuçi naftë që kalojnë nëpër të çdo ditë, që përfaqësojnë afërsisht 20 për qind të furnizimit global. Mbyllja e saj ka rritur çmimet e naftës dhe ka rritur frikën e përçarjes së zgjatur ekonomike.
Trumpi më parë lëshoi një ultimatum 48-orësh për Iranin, duke kërcënuar të godasë termocentralet e tij nëse Teherani nuk e rihap plotësisht rrugën ujore, por më vonë e zgjeroi afatin kohor, duke përmendur negociatat.
Sulmet amerikane dhe izraelite kundër Iranit filluan më 28 shkurt dhe thuhet se kanë vrarë të paktën 1.300 njerëz, përfshirë ish-udhëheqësin suprem Ali Khamenei.
