Seanca të pesë komisioneve kuvendore
Në Kuvend për sot janë caktuar seancat e pesë komisioneve kuvendore. Sipas informacioneve të publikuara në ueb faqen, seanca duhet të mbajnë Komisioni për çështje të rregullores, mandatit dhe imunitetit, Komisioni për mbikëqyrjen e punës së Agjencisë së Sigurisë Kombëtare dhe Agjencisë së Inteligjencës, Komisioni për mbikëqyrjen e zbatimit të masave për monitorimin e komunikimeve, Komisioni për sistemin politik dhe marrëdhënie ndërmjet komuniteteve dhe Komisioni njuridiko-ligjdhënës.
Në rendin e ditës të Komisioni për çështje të rregullores, mandatit dhe imunitetit është propozimi për formimin e grupit punues për kodin etik, ndërsa në Komisionin për sistemin politik dhe marrëdhënie ndërmjet bashkësive do të shqyrtohen Projekt-amandamentet e Ligjit për menaxhimin e pasurisë së konfiskuar dhe Projektligjin për rehabilitim, në lexim të parë.
Anëtarët e Komisionit për mbikëqyrjen e zbatimit të masave për mbikëqyrjen e komunikimeve do të shqyrtojnë raportin vjetor për punën e Agjencisë Operative-Teknike për vitin 2024, ndërsa Komisioni për mbikëqyrjen e punës së Agjencisë Kombëtare të Sigurisë dhe Agjencisë së Inteligjencës do të shqyrtojnë projekt-konkluzionet për mbikëqyrje në këto dy agjenci.
