Save the Chirldren: Çdo orë vritet nga një fëmijë në Gaza

Të paktën një fëmijë palestinez vritet mesatarisht çdo orë nga forcat izraelite në Gaza gjatë pothuajse 23 muajve të luftës, ka deklaruar organizata Save the Children.

Sipas të dhënave të qeverisë së Gazës, që nga tetori 2023 janë vrarë të paktën 20,000 fëmijë – rreth 2 për qind e popullsisë fëminore të Gazës.

Të paktën 1,009 nga fëmijët e vrarë ishin nën moshën një vjeç, dhe pothuajse gjysma e tyre (450) kanë lindur dhe janë vrarë gjatë luftës.

“Kjo është një statistikë e turpshme – një poshtërim i ri i tmerrshëm në një luftë të karakterizuar nga një lumë i pandërprerë i tillë shifrash,” tha drejtori rajonal i Save the Children për Lindjen e Mesme, Afrikën e Veriut dhe Evropën Lindore, Ahmad Alhendawi.

“Më e keqja nga të gjitha është se këtë e pamë të vinte. Sulmet sistematike ndaj shtëpive të fëmijëve, parqeve, shkollave dhe spitaleve, uria e planifikuar – bota nuk po bën asgjë për ta ndalur.”