Rritet rreziku nga zjarret, QMK me thirrje për kujdes nga qytetarët
Me rritjen e temperaturave të larta, rritet edhe rreziku për përhapjen e zjarreve. Nga Qendra për Menaxhim me Kriza apelojnë qytetarët për kujdes të shtuar gjatë qëndrimit dhe lëvizjes në natyrë.
“Tregoni kujdes gjatë qëndrimit dhe lëvizjes në natyrë. Mos digjni kashtë, mbeturina ose zjarre të pakontrolluara në ambiente të hapura. Vetëm me sjellje të përgjegjshme mund të parandalojmë zjarret që paraqesin rrezik potencial për njerëzit, pronën dhe natyrën”, apelojnë nga Qendra për Menaxhim me Kriza.
