Rrëzohet një avion ambulancë në Kolumbi, 4 të vdekur
Katër persona kanë humbur jetën sot në një aksident avioni ambulancë në Kolumbi, transmeton Anadolu.
Zyrtarët e vendit të Amerikës së Jugut thanë se avioni u rrëzua në një zonë malore pranë qytetit Yarumal në rajonin Antioquia, duke u përfshirë nga flakët.
Në zonë janë dërguar disa ekipe kërkim-shpëtimi.
Përplasja mori jetën e dy pilotëve, një infermieri dhe një mjeku.
Avioni, i cili u ngrit nga rajoni Cordoba, ishte rrugës për në Medellin, në veriperëndim të Kolumbisë.
Autoritetet kanë nisur hetim për ngjarjen.
