Raport: Tetëdhjetë e tre për qind e palestinezëve të vrarë në Gaza ishin civilë

Tetëdhjetë e tre për qind e atyre që u vranë në luftën e Izraelit kundër Gazës kanë qenë civilë, ka zbuluar një raport i Guardian dhe mediave izraelite +972 dhe Local Call, duke cituar të dhëna të klasifikuara të inteligjencës ushtarake izraelite.

Raporti zbuloi se, deri në maj, zyrtarët e inteligjencës izraelite kishin listuar 8,900 luftëtarë të emërtuar të Hamasit dhe Xhihadit Islamik Palestinez si të vrarë ose “me gjasë të vrarë”.

Kjo përbën vetëm 17 për qind të rreth 53,000 palestinezëve që kishin humbur jetën në sulmet izraelite deri në atë datë.

“Ajo përpjesëtim i dukshëm i civilëve me luftëtarët mes të vrarëve është jashtëzakonisht i lartë për luftërat moderne, madje edhe krahasuar me konfliktet e njohura për vrasje pa dallim, duke përfshirë luftërat civile në Siri dhe Sudan,” tha raporti.

Që nga fillimi i bombardimeve të Izraelit mbi Gazën, palestinezët kanë thënë se shumica dërrmuese e atyre që u vranë kanë qenë civilë, përfshirë gra dhe fëmijë. Ata gjithashtu kanë dënuar ushtrinë izraelite për sulmet pa dallim, të cilat kanë shkatërruar tërësisht enklavën. /Al Jazeera/