Rama në Kosovë, pritet nga Osmani në Presidencë
Kryeministri i Shqipërisë, Edi Rama, ka mbërritur sot në Kosovë për një vizitë zyrtare.
Pas mbërritjes, ai është pritur nga Presidentja e Kosovës, Vjosa Osmani, në Presidencë, ku takimi mes tyre veçse ka filluar.
Pas takimit me Presidenten Osmani, Kryeministri i Republikës së Kosovës, Albin Kurti, sot e pret me ceremoni zyrtare Kryeministrin e Shqipërisë, Edi Rama, ngjarje kjo e cila do të nis në orën 15:00.
Vizita e Kryeministrit Rama vjen një ditë para Ditës së Pavarësisë së Kosovës dhe ka për qëllim të thellojë bashkëpunimin mes dy vendeve.
