Protesta kundër ministrit të Jashtëm izraelit në Kroaci: “Krimineli i luftës Saar nuk je i mirëpritur”
Vizita e ministrit të Jashtëm izraelit, Gideon Saar në Kroaci, u prit me protesta për shkak të gjenocidit të Izraelit në Gaza, raporton Anadolu.
Saar mbërriti në ndërtesën e qeverisë, ku do të pritej nga kryeministri Andrej Plenkoviq gjatë një vizite zyrtare në kryeqytetin kroat, Zagreb.
Një grup që u mblodh para ndërtesës së qeverisë, protestoi kundër krimit të gjenocidit të Izraelit në Gaza dhe mbajti një banderolë me mbishkrimin “Krimineli i luftës Saar, nuk je i mirëpritur, ndalesa tjetër është Haga”.
Protestuesit kritikuan gjithashtu edhe qeverinë kroate për mbështetjen e Izraelit dhe brohoritën me sloganet “Palestina e lirë”.
Policia vendosi masa të rrepta sigurie rreth ndërtesës së qeverisë.
