Presidenti i Shqipërisë në vizitë pune në Maqedoninë e Veriut

Presidentja e Maqedonisë së Veriut, Gordana Siljanovska-Davkova, sot në Ohër do të jetë mikpritëse e Presidentit të Republikës së Shqipërisë, Bajram Begaj, i cili po qëndron për një vizitë pune në vend.

Presidenti shqiptar do të pritet në vilën “Biljana” në Ohër, ku është planifikuar një takim dhe një drekë pune me Presidenten Siljanovska-Davkova.

Në orët e pasdites, të dy do të vizitojnë monumente me rëndësi kulturore dhe historike, ndërsa në mbrëmje do të marrin pjesë në hapjen zyrtare të festivalit “Vera e Ohrit”.

Presidentja Siljanovska-Davkova do të mbajë një fjalim dhe do të shpallë të hapur edicionin e 65-të të Festivalit Ndërkombëtar “Vera e Ohrit”, i cili tradicionalisht zhvillohet nën patronazhin e Presidentit të shtetit.

Gjatë vizitës, Presidenti Begaj do të shoqërohet edhe nga bashkëshortja e tij, Armanda Begaj.