Politika izraelite bën që faza e dytë e armëpushimit të jetë e pasigurt për t’u realizuar

Prania ushtarake izraelite përgjatë kalimit të Gazës me Egjiptin po rritet për shkak të arsyeve politike, pasi Netanyahu ende ka anëtarë të ekstremit të djathtë në kabinetin e tij që duhet t’i kënaqë, sipas Meron Rapoport, redaktorit të Local Call, një faqe lajmesh në gjuhën hebraike.

Në kuadrin e armëpushimit, Izraeli duhet të tërheqë të gjitha forcat e tij nga kjo zonë deri në ditën e 50-të.

“Por Netanyahu ka thënë se Izraeli do të intensifikojë praninë e tij në këtë zonë. Pra, duhet të ketë konsiderata për sigurinë, por mbi të gjitha, do të thoja se është politike,” tha Rapoport për Al Jazeera, duke folur nga Tel Avivi.

Ai tha se Ministri i Financave i ekstremit të djathtë, Bezalel Smotrich, ka gjasa të ndjekë kërcënimin e tij për të dalë nga kabineti nëse Izraeli nuk kthehet në luftë pas gjashtë javësh, kur përfundon faza e parë e marrëveshjes në tre faza, dhe kjo do të thotë rënien e qeverisë së Netanyahu-s.

“Kjo është një kërcënim i drejtpërdrejtë për Netanyahu-n. Nga ana tjetër, duket se amerikanët, administrata Trump, duan këtë armëpushim të përhershëm. Sigurisht, ndërmjetësit Katari dhe Egjipti duan që ai të vazhdojë. Mendoj se shumica e publikut izraelit dëshiron që ai të vazhdojë, duan të shohin të gjithë pengjet të kthehen. Mendoj gjithashtu se ushtria është shumë e lodhur,” tha ai.

“Por Netanyahu ka shumë për të humbur, prandaj është shumë në dyshim nëse kjo fazë e dytë do të realizohet në fakt.” /Al Jazeera/