Policia britanike nis arrestimet në protestën kundër ndalimit të ‘Palestine Action’
Ndërsa vëmendja është përqendruar te bisedimet në Pakistan, policia ka nisur arrestimet gjatë një vigjiljeje masive në qendër të Londrës, në shenjë kundërshtimi ndaj ndalimit të grupit aktivist Palestine Action.
Qindra persona u mblodhën sot në Sheshin Trafalgar, ku shumë prej tyre mbanin pankarta me mbishkrimin: “Unë kundërshtoj gjenocidin. Unë mbështes Palestine Action.”
Disa protestues u morën nga policia dhe u larguan nga vendi i ngjarjes. Në një moment, një grua e moshuar me bastunë u shoqërua nga policia jashtë protestës.
Një nga protestuesit i tha Al Jazeera-s se po merrte pjesë sepse “beson në demokraci”.
“Mendoj se Britania tani ka rrëshqitur në një situatë jodemokratike dhe kjo është shumë e rrezikshme për lirinë e fjalës”, shtoi ai.
