Përplasen dy anije luftarake amerikane
Një anije luftarake amerikane dhe një anije furnizimi e Marinës Amerikane u përplasën gjatë një operacioni furnizimi me karburant dje, të mërkurën, raportoi sot Wall Street Journal , duke cituar një zyrtar ushtarak.
Sipas raportit, dy anëtarë të ekuipazhit thuhet se pësuan lëndime të lehta për shkak të përplasjes që ndodhi gjatë furnizimit me karburant nga një anije në tjetrën.
Komanda Jugore e SHBA-së nuk iu përgjigj menjëherë një kërkese të Reuters për koment.
Edhe pse shkaku i përplasjes nuk është ende i qartë, një hetim mbi incidentin është duke u zhvilluar, sipas raportit të gazetës, duke cituar zëdhënësin e Komandës Jugore, Kolonel Emmanuel Ortiz.
