Pas 7 muajsh, kryetari i Leposaviqit del nga objekti i komunës
Kryetari i Komunës së Leposaviqit, Lulzim Hetemi, të enjten ka dalë nga objekti komunal ku po qëndronte i mbyllur tash e gati shtatë muaj.
I njëjti është takuar me kryetarin e Mitrovicës së Veriut, Erden Atiq.
Kështu kanë konfirmuar për Telegrafin nga kabineti i Hetemit.
“Po, për herë të parë kryetari Lulzim Hetemi ka dalë sot nga objekti komunal. Ka pasur takim me kryetarin e Komunës së Mitrovicës së Veriut, Erden Atiq”, kanë thënë nga kabineti, duke mos dhënë detaje të tjera.
Lulzim Hetemi fitoi garën për kryetar të Leposaviqit në zgjedhjet e jashtëzakonshme të mbajtura në katër komunat në veri më 23 prill të këtij viti.
[AI] Code for block 2 InArticle Mobile Tablet, Phone C=3 N=1[/AI] Ai u ndihmua nga njësia speciale e Policisë së Kosovës që të futej në zyrën e tij, mëngjesin e hershëm të 29 majit, dhe që nga ajo nuk kishte dalë nga objekti komunal.
