Parlamenti turk kërkon pezullimin e Izraelit nga OKB për shkak të luftës në Gaza
Parlamenti i Turqisë ka miratuar një rezolutë ku dënohet “zgjerimi i pushtimit të Gazës” dhe “gjenocidi ndaj popullit palestinez”.
Në memorandum, deputetët kërkojnë pezullimin e Izraelit nga Kombet e Bashkuara dhe organizata të tjera ndërkombëtare “derisa të ndalojë politikat e tij gjenocidale”.
Parlamenti turk gjithashtu u ka bërë thirrje parlamenteve kombëtare në mbarë botën të ndërpresin lidhjet ushtarake dhe tregtare me Izraelin, duke kërkuar gjithashtu hapa të koordinuar për heqjen e embargos së gjatë ndaj Palestinës.
