Norvegjia njeh Palestinën
Norvegjia edhe zyrtarisht e ka njohur shtetin e Palestinës.
“Qeveria e Norvegjisë ka vendosur që të njohë shtetin e Palestinës. Në mes të një lufte, me dhjetëra mijëra të vdekur dhe të plagosur, ne duhet të mbajmë gjallë të vetmen gjë që mund të sigurojë një shtëpi të sigurt për izraelitët dhe Palestinezët: Dy shtete që mund të jetojnë në paqe me njëri-tjetrin”, thotë kryeministri Jonas Gahr Støre.
Norvegjia ka një angazhim të gjatë për zgjidhjen me dy shtete. Njohja sqaron se cili ka qenë qëndrimi i Norvegjisë për një kohë të gjatë, domethënë se e vetmja zgjidhje e qëndrueshme për konfliktin në Lindjen e Mesme është një zgjidhje reale me dy shtete.
