Një tornado godet periferinë e Hjustonit në SHBA, mbi 100 banesa të dëmtuara

Më shumë se 100 shtëpi u dëmtuan kur një tornado goditi dje pasdite një zonë të banuar në periferi të Hjustonit, në SHBA, por fatmirësisht nuk raportohet asnjë i lënduar.
Fotografi dhe pamje ajrore me dron, të publikuara në Facebook nga Zyra e Sherifit të Distriktit 4 të Qarkut Harris, tregojnë çati me tjegulla të zhveshura dhe mbeturina që bllokojnë rrugët.
Dëmet janë përqendruar në lagjen Memorial Northwest, sipas zyrës së sherifit Mark Herman.

“Në tokë ndjeva ndryshim të menjëhershëm të presionit dhe më dhembën veshët”, rrëfeu një banor, duke përshkruar momentet dramatike.
Një tjetër banor tregoi se një erë e fortë shpërtheu xhamat e shtëpisë dhe e rrëmbeu jashtë edhe pemën e Krishtlindjes.

Banorët e zonës së prekur këshillohen të shmangin ndërtesat e dëmtuara, kabllot elektrike të rrëzuara dhe të njoftojnë menjëherë çdo rrjedhje gazi. Punimet e rivendosjes janë në zhvillim, ndërsa moti mbetet në gatishmëri për stuhi të mundshme të reja.